أنا العليت هواك براي ولمن طال وطال مالاي
وقادر تاني برضو أهد الكان وغادي وجاي
ياخي مامعقول اصلو ما معقول
تهدي مناي وتنسي وفاي وتغدري بي
تحبي سواي وتنسي وفاي وتغدري بي
تهدي مناي تقرري تاني ترجعي لي
أكون لليله مستنيك وراجي الري
ياخي مامعقول
حليلو زمن يسوقني الشوق علي لقياك هٍديً ورٍضيً
هسه بقيت يجيني نداك إطانش وأقول ما لي
خريفك كان شلع براقو برفع للكريم إيديً
أقول حوالينا ما ها علينا تنزل في الهويد والصيً
نفضت هواك من طرفي عشان ربطك مرخرخ وني
طويت زكراك والاحلام ونجضت الجرح بالكي
ولقًيت صدري للايام مسارب للامل والضيً
بعد ما كنتي كل حياتي هسه ولا بتمثلي شئ
فرصه سعيده كانت بيك عليك تتعرف احزاني
وأعرف وين مدى صبري قوة عزمي وايماني
وحات الله ما محزون علي الراويهو شرياني
زمان اديتك المعدوم ووسدتك قليب حاني
ومنك ما لقيت غير طعنه سكنت في صميم اعضاي
وضرت ريدي ليك للريح وشتت للاماني قواي
وشقيت بين جروحي طريق ومن غدر الحبيب نجاي
وقت اظلم عليً الكون وودع في النجم ضواي
ورغم البي من احزان وكنت تلى الفرح هدًاي
والجرح البينتح جوه يطلع من صميمو غناي
والقمريه رغم النبله وصوت الطلقه والحاحاي
مالاي غناها عصرياتنا يوم ما خلت القوقاي,,,,,,
موضوع: النص .. العشم 
الثلاثاء أبريل 12, 2011 5:41 am
