كدا ... وكدا

مين الي قال لو قلت للنفس انتشي
بتقفل مدراج الهم .. وتنزع جبة الحزن اللعينة
ومين الي القال لو قلت للشمس انطفي
بترجع بشيش .. وتداري عن الكون جبينا
ومين الي قال لو قلت للذكري اتنسي
صفحة عقيلك تستجيب .. وتتلاشي ذكراك من معينا

************************
الحزن في حياتك حقيقة ..
الفرحة في دنياك حقيقة ..
الريدة في جواك حقيقة ..
الكره عند الناس حقيقة ..
الا السراب .. الدنيا تبقى لكل امانيك مستجيبة

************************
القسوة لو طالت سنينا ولامست رقة نداك
ما تقول دي دنيا صعيبة قاسية .. برضو الفرح بيزور رباك
والبسمة لو تاهت خطاها وفارقت سكة خطاك
ما تقول دي خانت عهدها ..
هسة بتعاود سيرتا وترجع دناك

( محمد ود الشايقية )